Տ. Յակոբ Քհն. Գեադայեան

  • Home
  • Տ. Յակոբ Քհն. Գեադայեան

Տ. Յակոբ Քհն. Գեադայեան

Տ. Յակոբ Քհն. Գեադայեանը ծնած է 1986թ-ին Գիւմրի, Հայաստան։ 1994թ-ին ընտանեօք տեղափոխուած են Էջմիածին, ուր նախակրթարանի եւ երկրորդականի կրթութիւնը շարունակած է Ս. Մեսրոբ Մաշտոցի անուան դպրոցի մէջ: 1999թ-ին, դեռ պատանի, ծնողներու քաջալերանքով սկսած է շապիկ հագուիլ ու ծառայութիւն բերել Էջմիածին քաղաքի Սուրբ Աստուածածին եկեղեցւոյ մէջ եւ մասնակցիլ Կիրակնօրեայ դպրոցի դասընթացքներուն: Պարտաճանաչ եւ ուշիմ ծառայութեան շնորհիւ 2000թ-ին դպիր ձեռնադրուծ է` ձեռամբ Արմաւիրի թեմի առաջնորդ, լուսահոգի Գերաշնորհ Տէր Գիրգորիս Արքեպիսկոպոս Բունիաթեանի: 2001թ-ին բարեյաջող յանձնելով Երուսաղէմի Սրբոց Յակոբեանց Ժառանգաւորաց Վարժարանի եւ Ընծայարանի ընդունելութեան քննութիւնները, տեղափոխուած է Երուսաղէմ ՝ կրթութիւնը շարունակելու նպատակով: 2009թ-ին աւարտած է Ժառանգաւորաց Վարժարանը եւ Ընծայարանը: Նոյն տարին ձեռնադրուած է սարկաւագ` ձեռամբ Գերաշնորհ Տ. Նուրհան Արքեպիսկոպոս Մանուկեանի, որը Երուսաղէմի ներկայիս պատրիարքն է:

2009 – 2010թթ. աշխատած է որպէս Ժառանգաւորաց Վարժարանի եւ Ընծայարանի քարտուղար եւ համակարգիչի ուսուցիչ: Նոյն տարին համակարգիչի դասընթացքներու հետեւած է Թել-Աւիւ քաղաքի Specter քոլեճէն ներս: Բարեհաջող յանձնած է Micsosoft-ի կողմէ պահանջուած եօթ քննութիւնները եւ ստացած MCSE ( Microsoft Certified Systems Engineer) վկայականը:

2010թ-ի հոկտեմբերին տեղափոխուած է Գանատա ծառայելու Կանադահայոց թեմի մէջ որպէս Երիտասարդաց եւ Քրիստոնէական բաժանմունքներու պատասխանատու: 2011-2013թթ-ներուն ծառայութեանս առընթեր հետեւած է Երիտասարդաց Ծառայութեան (Comprehensive Youth Ministry) դասընթացքներուն` առաջարկուած Մոնթրէալի Roman Catholic Diocese-ի կողմէ: Նոյն թուականներուն ծառայած է նաեւ Օթթաուայի Ս. Մեսրոբ Եկեցեցւոյ մէջ որպէս պատասխանատու սարկաւագ եւ կազմակերպած է համայնքային կեանքն ու արարողութիւնները:

2013-2014թ-ը աշխատած է Մոնթրէալի մէջ գտնուող Fujitsu համակարգչային ընկերութեան մէջ, որպէս Technical Support Specialist. 2014թ-ի աշնանը կնոջ հետ տեղափոխուած է Նիւ Եօրք բարձրագոյն կրթութիւնը շարունակելու: Ուսանած է Ս. Ներսէս հայկական Ընծայարանի եւ St. Vladimir’s

Orthodox Theological Seminary մէջ, հետեւելով Masters of Divinity ծրագիրին: Ծրագիրի երեք տարիներէն ամբողջացուցած է միայն մէկ տարի։ 2016 – 2018թթ. աշխատած է FixMeStick Technologies ընկերութեան մէջ, որպէս երկրորդ մակարդակի Technical Support Specialist. Միեւնոյն ատեն պաշտօնավարած է Ս. Յակոբ Եկեղեցւոյ <Դրօ եւ Աննա Փիլիկեան> Շաբաթօրեայ Վարժարանէն ներս, որպէս տնօրէն: Այս ամէնուն հետ զուգահեռ, Ս. Գիրքի սերտողութեան հանդիպումներուն ներկայացուցած է զանազան հոգեւոր նիւթեր` կազմակերպուած Ս. Յակոբ եւ Ս. Գէորգ եկեղեցիներու կողմէ:

2018 Դեկ. 2-ին Թադէոս եւ Բարդուղեմէոս առաքեալներու տօնին քահանայ ձեռնադրուած է ձեռամբ Գանատայի Հայոց Թեմի առաջնորդ Գերաշնորհ Տ. Բաբգէն Արքեպիսկոպոս Չարեանի։ 2019.ի մայիս ամիսէն ի վեր կը ծառայէ Լաւալի Ս. Գէորգ Եկեղեցւոյ մէջ որպէս հոգեւր հովիւ։