20141013 205540-1

Տ. Գաբրիէլ Քհնյ. Գամայեան, աւազանի անունով Դաւիթ, ծնած է Սուրիա՝ Եագուպիա հայկական գիւղին մէջ, 1988թուականին:

Նախնական կրթութիւնը ստացած է գիւղի՝ “Վերածնունդ Վարժարան” դպրոցէն: Մեծի Տանն Կիլիկիոյ Կաթողիկոսութեան դպրեվանք ընդունուած է 2002  թուականին:2007թուականին սարկաւագ ձեռնադրուած է եւ 2010 –ին աւարտած՝ դպրեվանքեան ուսանողական ութամեայ շրջանը:

Քանի մը ամիսներ, որպէս հսկիչ  պաշտօնավարած է դպրեվանքին մէջ: 2011-ի ամառը, սուրբ պսակի խորհուրդին արժանացած է եւ 28Մայիս  2012-ին բախտաւորուած են Աբրահամով։ 

Քահանայական օծման արժանացած է 2011 Հոկտեմբերին եւ դարձած է Լիբանանի Հայոց Թեմին քահանաներէն մին: Մօտաւորապէս երեք տարիներ քահանայագործած է Լիբանանի Սրբոց Քառասնից Մանկաց եկեղեցւոյ մէջ:

Գանատայի Հայոց Թեմին միացած է՝ 6 Յուլիս 2014-ին, որպէս հոգեւոր հովիւ Լաւալի Սուրբ Գէորգ հայաստանեայց Առաքելական Եկեղեցւոյ: